Gabonak ate joka ditugu eta denbora izanik asko dira opor egunotan hauetan egin daitezkeen eskulanak. Gaurkoan motrizitate final lantzeko Gabonetako zuhaitza proposatzen dizuegu.

Eskulan bat egitea proposatzeaz gainera motrizitate fina lantzeko ariketa ere bada. Haurrentzako proposatzen dugu Guraso.eus ataria, baina esan gabe doa ariketa oso egokia dela motrizitate fina lantzea egoki ikusten duten beste edozein adineko pertsonentzako

Motrizitate fina giharren mugimendu txikien eta begien arteko koordinazioa da. Mugimendu horiek atzamarren bizkortasunarekin eta mugimenduekin dute zer ikusia.

Zuhaitza prestatzea erraza da.

Materiala

  • Kartoi zati bat.
  • Guraizeak.
  • Pinturak eta pintzela.
  • Hari edo soka bat.
  • Zulagailua.

Nola egin

. Zuhaitza egin. Kartoi zatiarekin Gabonetako zuhaitz forma duen irudia egin eta guraizeekin moztu.

. Margotu zuhaitza. Gustuko koloreekin apaindu zuhaitza. Margotu eta lehortzen utzi.

. Haria prestatu. Zuhaitza lehortzen den bitartean haria prestatuko dugu. Aukeratu luzera egokia eta moztu. Puntetan zinta itsaskorra (zeloa) jarri dugu haria zuloetatik pasatzeko zaila izan ez dadin.

. Zuhaitzari zuloak egin. Pintura lehortu denean has gaitezke zulagailuarekin zuhaitzari zuloak egiten. Izkinakoak erraz egingo ditugu. Erdi aldekoak egiteko tolestu egin beharko dugu pixka bat zuhaitza. Kontuz eginez gero posible da.

. Jolastu. Prest duzu motrizitate fina lantzeko Gabonetako zuhaitza. Orain haria hartu eta zuloetatik pasatzea besterik ez duzu. Mila aukera daude. Amaitutakoan egindakoa desegin eta hasi berriz. Mila zuhaitz aterako zaizkizu. Gozatu!