Mugak ezinbestekoak dira haurrentzat. Baina batzuetan ez da batere erraza horiek jartzea, eta daramagun bizi  erritmoak eta bizimoduak berak  ere ez digute asko laguntzen. Zer ezaugarri behar ditugu heldu gisa, etxean eta eskolan, haurrei mugak ondo jartzeko? Nola lagundu diezaguke haiekin lotura osasuntsua sortzeak? Nola egin diezaiokegu aurre egoera konplexuei, hala nola otorduei, ohera joateko orduari, janzteko uneari…?

Haurren bidelagun izan nahi dugun guraso eta hezitzaile askok partekatzen ditugun galderak dira.

Azaroaren 12an  Plisti Plasata ekimeneko kideek Sonia Kliass elkarrizketatu zuten Instagram sarea erabiliz, bere liburu berriaren inguruan solasteko baliatu zuten elkarrizketa “El arte de poner limites” .  Guk Txusma Azkonarekin hitz egin dugu Sonia Kliass bera eta bere azken liburuaz hitz egiteko eta mugak jartzearen garrantziaz ere hausnartzeko.