Haurrak eta nerabeak gero eta lehenago hasten dira telefono mugikorra eskatzen eta erabiltzen. Kontrolatu egin behar da erabilpen hori? Zeintzuk dira erabilpena kontrolatzeko aplikazioak? Azkue Fundazioaren Egunkarian artikulu interesgarria aurkitu dugu gaiaren inguruan.

7535306622_92f8551b53_k

Deiak egiteko ez ezik, gazteek Internet bidezko zerbitzuetara eta aplikazioetara jotzeko erabiltzen dute telefono mugikorra: sare sozialak (Instagram, Snapchat eta YouTube gehien bat), berehalako mezularitza programak (WhatsApp, Telegram…), nabigatzeko eta jolasteko.
Haur eta nerabeentzat smartphone-a bukaezinezko dibertimendua da, baina erabilpen horrek arazo ugari ekar ditzake:

•    Ziber-erasoak: hirugarren batek Internet erabiliz haur baten irudia erabiltzen duenean edo mezuak bidaltzen dizkiotenean iraintzeko eta kaltetzeko.
•    Sexting-a: mezuak eta irudiak eduki erotikokoak direnean.
•    Gossip-a: pertsona bati buruzko zurrumurru iraingarriak sare sozialen bidez zabaltzen direnean, horren irudi publikoa eta ospea kaltetuz.
•    Grooming-a: heldu batek adingabeko baten konfiantza lortzen duenean bere onurarako eta engainatzeko edo abusatzeko.

Adingabekoak gailuari ematen dion erabilpenaz gurasoek inolako kontrolik ezartzen ez dutenean sarri beranduegi izaten da arazoren batez ohartzerako. Eta baliabideak eta aplikazioak sortu dira sarean dauden mehatxuei eta arriskuei aurre egiteko.

Eztabaida: kontrola edo espioitza?
Egia da gurasoek kontrola ezartzeak eztabaida sortzen duela, eta askotariko iritziak daude adituen artean ere. Kontrolaren eta “espioitzaren” artean erdibideko aukera bat proposatzen dute Azkue Fundaziotik.

Beharrezko kontrola ezarri baina hori espioitza ez bilakatzeko nerabeek horretan gabiltzala ezagutzea izan daiteke gakoa. Adituek esaten dute oso gomendagarria dela haur/nerabeek jakitea horrelako aplikazio bat daukagula instalatuta euren gailuan: zertarako den, zergatik jarri dugun eta, bide batez, arauak eta baldintzak ezartzea. Arau horietako bat izan daiteke pasahitza ezagutzera ematea.

Haurrek eta nerabeek jakin behar dute gurasoek kontrola ezarriko dietela, eta komeni da bi aldeen artean bete beharreko arauak adostea. Berez, sare sozialek ere neurriak ezartzen dituzte adin-txikiko erabiltzaileentzako.

Guraso-kontrola ezartzeko aplikazioak

Androiderako
•    Kids Place
•    SecureKids Control Parental

Android eta iOSerako
•   KIDO´Z
•    Qustodio
•    Teen Safe
•    ¿Dónde está?
•    Life360

Gai honi buruz gehiago… Azken Fundazioaren egunkarian.

Argazkiaren iturria hemen.