Zineuskadiren Zinema Euskaraz programaren baitan Museoaren zaindariak estreinatuko da bihar, otsailak 23, Euskal Herriko zinema-aretoetan. Ekimen horren baitan, aurten, estreinatuko den bigarren filma da.

Sinopsia

Vincent katu gaztea Maurice izeneko sagutxo batekin elkartuko da piano zahar batean uholde batetik ihes egiteko. Marinel talde batek instrumentua jaso eta museora bidaliko du. Han, Vincentek eliteko katuen eskuadroi bat ezagutuko du, urteetan karraskarien eta beste piztien maisulanak babesten aritu dena. Vincentek benetako katu-familia bat aurkitzea du amets, baina ez du bere lagun Maurice galdu nahi, bizitza salbatu baitzion, eta ezkutatzera behartuta dago. Baina bere lagunak badu ahulezia bat: maisulanik ospetsuenak marruskatzea. Munduko pinturarik onenetako bat, La Gioconda, museora eramaten dutenean dena zailduko da: sagu eta arratoi guztien ametsa murtxikatzea da. Hala ere, ez Vincentek, ez Mauricek, ez Hermitageko katuek ez dakite norbaitek lapurtzeko asmoa duela, eta, orain, Vincentek kemenez eta adimenez jokatu beharko du Da Vinciren obra salbatzeko, museoaren ospea babesteko eta Kleopatraren, Egiptoko ganberan bizi den katu eder baten, bihotza irabazteko.

Trailerra