2013ko uztailean Berdindu! zerbitzua martxan jarri zen, euskal ikastetxetatik formakuntzarako eta aholkularitzarako eskaerak gero eta handiagoa zela ikusita LGBT diskriminazioa, adingabeko transexualak edota Sexu aniztasunaren perspektiba integratzeko interesa zela eta.

Zerbitzuaren lehenengo fase hau, antolatzaileen esanetan, laburra izan bada ere oso balorazio pozgarriarekin amaitu da, bai kuantitatiboki eta bai kualitatiboki. Guztira hezkuntzako 131 profesionalek jaso dute formakuntza azken urtean eta oso ezagutza baliotsua irabazi da Euskadiko ikastetxeek sexu aniztasuna modu egokian kudeatzerako orduan daukaten beharren inguruan. Berdindu eskolak! ekimeneko antolatzailea den Guztiok elkarteko Nahia Rojo kideak, gaiaren inguruko azalpenak eman dizkigu.

Nahia Rojo, Guztiok elkarteko kidea.

Zer da ‘Berdindu eskola!’ ekimena?

Berdindu eskola! Ikastetxeei zuzendutako zerbitzu espezifiko eta aditua da, tokian-tokiko arreta eta aholkularitza eskainiko duena Berritzegunekin koordinatuta.

Berdindu! gobernuak duen zerbitzu publikoa da, kanal ezberdinak ditu eta Guztiok elkarteak antolatzen dugu, konkretuki Berdindu eskola! ekimena. Aholkularitza eta formakuntzak irakasleentzat ematen ditugu irakaslee, ikasle eta gurasoentzat. Bulliyng homofoboa, trans kasuak… daudenean egiten dira maiz aholkularitza saioak. 

Tutore edo irakasleak deitzen digu sarritan eta ikastetxera joaten gara gazte edo ume kontretu horren egoera ezagutu eta ahokularitza emateko. Ondoren, formakuntza bat egiten da, ikasle konkretuen kasuan oinarritu gabe. Sexu eta genero aniztasunaren inguruan izaten da formakuntza, ikuspegi zabaletik eta bigarren atal honetan, klaustro osoak hartzen du parte. Garrantzitsua da baliabideak eta marko teorikoak denok ezagutzea, guztion artean bide egokia eraikitzeko. Ikastetxeen inplikazioa ezinbestekoa da eta datuak oso onak izaten ari dira; azken urte eta erdian, 100 ikastetxe baino gehiaotan izan gara, eta 7000 irakasle ingururekin egon gara gure ibilbide osoan. Beraz, pixkanaka aurrera goaz!

Zer eskaintzen du ekimenak?

Arreta eta orientazioa eskaintzen dugu LGTB diskriminazio problematikak edota bullying homofoboa, lesbofoboa eta transfoboa antzematen dituzten ikastetxeekin. Bestalde, babes teknikoa eta neurrira egindako oinarrizko formakuntza eskaintzen du, Sexu Aniztasuna haien Plan Kurrikularrean integratzeko interesa daukaten ikastetxeentzat.

Zeintzuk dira helburu nagusiak?

Hiru helburu nagusi ditugu; aholkatzea, oinarrizko eta neurrira egindako formakntza eskaintzea eta sentsibilizatzea. Alde batetik, aholkua, jarraibideak eta informazioa eman nahi dugu sexu-orientazio, identitate edo bere generoaren espresioagatiko diskriminazioa edo jazarpena pairatzen ari diren kasuetan ikasleriaren babesa hobetzeko. Beste aldetik, formakuntza oinarrizkoa eta neurrira eginda eskaintzea, zentroan bertan emateko eta Sexu Aniztasunaren perspektiba modu praktikoan txertatzeko bideratua. Egoera kontutan hartuta “lantalde eragilea” sustatuko da errekurtsoak eta jarraibideak emanez. Eta azkenik, sentsibilizatzea eta ikastetxeen interesa piztea Sexu Aniztasuna ikustarazteko, normaltzeko eta lantzeko beharraren aurrean. Honek elkarbizitza hobetzen eta norberaren garapen pertsonala askea izaten lagunduko du arrisku giroak gutxitzearekin batera.

Informazio gehiago lortzeko?

Eusko jaularitzaren dokumentuan informazioa lortu dezakezue: www.euskadi.eus. Bestalde, norbaitek informazio gehiago nahi badu, idatzi dezala gure elkarteko emailera: guztiok.info@gmail.com.