Haur Minbiziaren Nazioarteko Eguna da otsailaren 15a, eta Aspanogi elkarteak martxan du urteroko sentsibilizazio kanpaina. Hain zuzen ere, igandean egingo dute 2024ko Ipar Martxa Donostian.

Urtero ia 30 kasu atzematen dituzte Donostia ospitalean, eta hango medikuen bitartez, gaixoekin eta senideekin egiten du lan Aspanogi elkarteak. Akonpainamendu osoa egiten dute haiekin eta laguntza psiko-soziala ematen diete. Horren berri eman du elkarteko kide den Nekane Lekuonak.