Kaleko musika estiloak gazteengan duen arrakastari erreparatuta eta sortzen diren hitzak euskaraz ere sortzearen helburuarekin abiatu dute Debagoieneko elkarteek –AED, Loramendi euskara elkartea, Jardun euskara elkartea, Txatxilipurdi elkartea eta Bergarako Xabalote gaztelekua– eta Elgetako, Eskoriatzako, eta Bergarako udalek nerabeentzako urban musika lehiaketa.

12 eta 18 urte bitarteko gazteei zuzenduta dago, eta lan guztiek jatorrizkoak, argitaratu gabekoak eta euskaraz izan behar dute. Gutxienez minutu bat iraun behar dute eta MP3 formatuan bidali behar dira Euskara@loramendielkartea.eus helbidera; ekainaren 8a da parte hartzeko azken eguna.

Bertako musikariak, epaile

Arrasateko Oihan Uribarren Fane eta Martin Errasti Tata eta Bergarako Iker Hiriart HRT izango dira epaimahaikideak eta eurek erabaki dute zein kantuk irabaziko duen Skysound estudioan grabatzeko eta bideoklipa egiteko aukera.