Azalak elkarteko Maitane Olatzekin hitz egin dugu “Nire Kultura ez da Mozorroa” kanpainaren inguruan

Jokin Bildarratz sailburu agurgarria, Begoña Pedrosa sailburuordea eta hezkuntza komunitateari
AZALAK ELKARTEA (Arrazakeriaren aurka borrokatzen ari diren afrikar ondorengoak dituzten familien
elkartea) gara, eta behean sinatzen duten elkarteekin batera, zuengana jotzen dugu EAEko eskola batean
baino gehiagotan ematen den eskolako inauteriei buruz dugun kezka eta ezinegona adierazteko.
Oraindik ere ikusten dugu urtero proposatzen dela ikasleak afrikarrez, etniaz eta besteren kultura
exotizatuez mozorrotzea, kultura-desberdintasunak iseka gisa erabiliz.
Praktika hori, tamalez, estereotipo arrazistez beteta dago adingabe afroondorengo eta arrazializatuak
ikasten ari diren espazioetan; batzuetan blackface-aren erabilera ere barne hartzen du, eta horren jatorri
arrazista oso ezaguna da.


Funtsezkoa deritzogu gai horri Hezkuntza Sailetik ekiteari, ikastetxe guztietan kontzientzia sortzeko
arraza-aniztasuna errespetatzen duen hezkuntza-giro inklusiboa sustatzearen garrantziaz.
Izan ere, jantzi tipikoak mozorro gisa erabiltzeak estereotipo etnikoak eta arrazistak betikotzen ditu, giro
bihozgabea sortzen laguntzen du eta eragin negatiboa du ikasle arrazializatuen autoestimuan eta ongizate emozionalean.


Elkarte gisa gutun pedagogiko bat idatzi dugu, zazpi elkarteren atxikimendua duena, ikastetxeetako
zuzendaritzei zuzendutako azalpen eta erreferentzia bibliografikoekin, baina urtero irakasleen enpatia falta ikusita, Hezkuntza Sailarekin harremanetan jartzea erabaki dugu, gure haurren eskoletan urtero ikusten ditugun proposamen arrazistak zorrotz mozteko.
Sentsibilitate kulturala sustatzeko eta estereotipo arrazistak eta diskriminazioa betikotzen dituzten
praktikak ez errepikatzeko neurriak hartzeko eskatzen diegu.


Elkarrekin lan egin behar dugu hezkuntza-komunitate bat sortzeko, non EAEko eskoletan dauden
kultura-identitate guztiak errespetatu eta baloratuko diren, funtsezkoa baita gure haurren garapen
positiborako.
Eskerrak eman nahi dizkizugu gai honi eman diozun arretagatik, eta erantzuna eskatzen dizugu urtero
egun hauetan hartzen dugun kezka horri heltzeko.


Adeitasunez,
AZALAK ELKARTEA, NOVISI ELKARTEA, FOLLOW THE PARTY, MAGUARE, NDANK NDANK, IRDAS,
FEMINISTAS NIKA EH, EMIGRADOS SIN FRONTERAS, FAMEK ELKARTEA, RED DE MUJERES MIGRADAS Y
RACIALIZADAS DE EH, ASOCIACIÓN DE GHANA, MULISOL, SOS RACISMO, EGBA, AMUGE(ASOC. GITANAS DE
EUSKADI), ROMI BERRIAK, AGIFUGI, MATIZAR KULTUR ELKARTEA, ASOC. FREITTER, SIERRA MAESTRA,
AMIARTE, INVESTING IN YOUTH, ASAMBLEA ANTIRRACISTA, AFROMURCIA EN MOVIMIENTO, COLINDRES
ERMUA, ASOC. GARAIPEN, BIDAYA, AFROOK, MUJERES CON VOZ, KOLORETXE, ONGI ETORRI
ERREFUXIATUAK, ERAIKIZ KOLEKTIBOA, PROCENIUM