Nerabeek jendarte honetako herritar talde konplexu, anitz eta ezezagunenetako bat osatzen dute. Haurtzaroa atzean utzita oraindik heldu gisa hartzen ez ditugun honetan sarri gertatzen zaigu helduoi nerabezaroa ulertzeko zailtasunak izatea. Eta jakin badakigu ezagutzen ez dena, ezin dela zaindu.

Oinherri Herri Hezitzaileen Sarean udalerri ezberdinekin egin dituzten bilera errondetan sarri errepikatu den kezka omen da nerabeen partehartzea sustatzeko ezintasuna edo bide horri ekiteko modu egokien ezjakintasuna.

Herri Hezitzaileen sareko dinamizatzaileek nabarmendu dutenez, Kezka handia da herrietan. Gaztelekuetan edo gazteekin egindako dinamika ezberdinen inguruan bizikidetza arazoak edo kexak sortzea oso ohikoa da, nerabeek gauzak puskatzen dituztela, inguruak zikintzen dituztela edo zarata ateratzen dutela …

“Noiz eta zergatik parte hartzen dute nerabeek?” jardunaldiak antolatu ditu Herri Hezitzaileen sareak nerabeen parte hartzearen inguruan hausnartzeko eta Euskal herriko esperiatzia ezberdinak ezagutarazteko.

Eñaut Aiartzaguena Oinherriko kidearekin hitz egin dugu jardunaldiak kokatu eta egitarauaren berri izateko.

Jardunaldiko Egitaraua

EGITARAUA:

9:30-10:00 – Harrera
10:00-10:15 – Oinherriren kokapena
10:15-11:00 Jaume Funes – Nerabezaroaren kultura sakoneago ezagutzeko hitzartzea. Nerabezaroaren ezaugarriak.
11:00-11:30 Leire San Vicente – Nerabeekin parte hartzea lantzerakoan kontutan hartu beharreko gakoak. Zer da parte hartzea? Nerabeentzat gauzak egitetik nerabeekin egitera?

11:30-12:00 Atsedenaldia

12:00-13:30 Esperientzia ezberdinen mahaingurua

  • Gazte Agora
  • Pasaiako parte hartze egituraren inguruko esperientzia
  • Drakum – Donostiko gazte migratuei babesa eta laguntza emateko elkartea.
  • Asteasuko Udalak Arremanitzen bidelaguntzaz sustaturik prozesua.

13:30-14:00 Klownklusioak – Beatriz Egizabal

14:00-15:30 Bazkaria

15:30-17:30 Beldur Txouua antzezlana – Drakonte, Txou-aren aurkezle eta “beldurtxo”en gobernadore, gure barrenak dantzan jartzeko asmoz dator! Guztiz ez bada ere, ia osotasunean, UMOREtik landutako sortze prozesua izan da. Antzezlanak, gure beldurrak, kuttunak eta eramangarriagoak izan daitezen lagundu digu. Bizibidean nekez oztopatzen gaituzten beldurrei, eraldatzeko aukera eman diegula erakutsi digu!