Oporretako eta bestelako kotxe bidaiak luze egiten zaizkie haurrei, baita gurasoei ere. Alvaro Bilbao neuropsikologo eta dibulgatzaileak bere sare sozialetan , haurrek kotxeko bidaia luzeetan egiten dituzte ohiko galderak aztertu ditu eta erantzun posibleak landu. Guk Guraso.eus era ekarri ditugu. Zuek erabiltzen dituzuen  estrategiak ere gustura irakurriko genituzke.

Asko falta da?

6 urtetik beherako haurrek ez dute ulertzen ordu eta minutuen kontzeptua. Hobe da distantzia ikus eta konta dezaketen zerbaitekin neurtzea. Esate baterako, Bilbotik   Madril  arteko bidaia, lau mendiko bidaia da, eta Madril eta Cadiz arteko bidaia, hiru ibai eta hiru mendiko bidaia. Haurrek askoz hobeto ulertzen dute hau.

Pixa egiteko gogoa dut!


Egonezina duten  edo “mugituagoak” diren haurrek komunera joateko gogo handiagoa izatea ohikoa da. Haur txiki batek, bereziki oso aktiboa bada, bi ordutik behin (gutxienez) gelditu behar du kotxeko bidaian. Geldialdi bakoitzaren ondoren, haurra lo egitera  anima dezakegu. Azken batean, planifikatu zure bidaia kontuan hartuta haurrak behar badu gelditzea garrantzitsua dela jakinik.

Noiz iritsiko gara?


Galdera hau egiten dizutenean, saia zaitez haurrak uler dezakeen erantzun bat ematen. Esaiozu bi ibai edo hiru mendi falta direla. Haurrak askoz ere gaitasun handiagoa izango du denboraren kontua eramateko, eta pazientzia handiagoa izango du.

Aspertu egiten naiz

Lagundu zure semeari asperduraren arazoa konpontzen. Galdetu zertan  jolastu nahi duen, eta ezer bururatzen ez bazaio, eskaini aukerak, hala nola “ikusi makusi” asmakizunak edo “istorioak kontatzea”. Eta gehiago ezin duzunean, lagundu zure seme-alabei paziente izaten. Bidaia luzeen azken zatirako, guk beti eramaten ditugu artozko “gusanito” batzuk, azken tarte hori errazago egiteko.

Utziko didazu telefonoa?


Ni “ez” esatearen aldekoa naiz. Ez da bakarrik telefonoari begiratzeak mareatzea eragin dezakeelako, baizik eta asperdura gauza ona delako haurrek pazientzia eta irudimena garatzeko, eta zoritxarrez, haurrek gero eta aukera gutxiago dituzte aspertzeko.

Ikusten duzunez, gauza asko egin ditzakegu haurrekin bidaia pixka bat errazagoa izan dadin; beraien lekuan  jarri eta bidaia luze horiek pixka bat eramangarriagoak egiten lagundu besterik ez duzu egin behar. Zure seme-alabek maitasunez eta goxotasunez oroitu ditzatela bidaiak.

sarrerako argazkia StockSnap ( Pixabay)