Oiartzungo Elizalde Herri Eskolako  irakasle, ikasle, familia eta auzoko hainbat eragilerekin batera kolaboratu dute Tabakalerako Hezkuntza arlokoek , “Trans patioa” deitzen den proiektua garatzeko.

2019an hasitako proiektuaren helburua eskolan ematen ziren harremanak birpentsatzea izan zen. Horretarako bertan sentitzen ziren  korapiloen inguruan lanketa bat egin zuten.

Eskolan gaudenean gure tripetan zer korapilo ditugu? Eta bihotzean? Eta azalean?

Trans patioa

Oinherriko lagunek egindako  podkast honetan proiektua sakonago ezagutzeko aukera dugu. Irati Seijo Diez Tabakalerako kidea elkarrizketatzeaz gain egitasmoan parte hartu duten guraso eta irakasleen hitzak ere jaso dituzte.

Argazkia: Tabakalera

Sinboloen esanahia, dikotomiak hautsi eta gaitasun eta adin aniztasuna queer pedagogiak eta praktika artistikoen bitartez landu dira  ikastetxeko ingurua ikertu eta elkarbizitza hobetzeko  harreman berriak eraikiz.

Egitasmoa hobeto ulertzeko eta ekimen zehatzak zeintzuk izan diren ikusteko  Transpatioaren prozesuaren bideo hau ikustea gomendatzen dizuegu.