Orgiko basoa, ehunka urte dituzten haritzen basoa

Lizaso herriaren lurretan kokatua, Orgiko basoan hainbat ibilbide egin daitezke eta baso guztia da, berez, jolasera gune ederra.

Lizasoko 77 hektarea dituen baso hau Natura 2000 Europako Sarean dago sartuta, Ultzamako eta Basaburuko Hariztiak izeneko gunearen barrenean. Ehunka urte dituzten haritzek osaturiko basoa da, eta eremu honek hiru helburu ditu: hariztia zaintzea, ingurumenari buruz heztea eta aisialdirako aukera ematea.

Ibilbideei dagokienean zailtasunik gabekoak dira guztiak, eta 2 eta 10 kilometro artekoak.

Autoentzako aparkalekua dago, eta aparkalekuaren ondoan komunak ere bai. Ibilbideak seinaleztatuta daude eta han eta hemen aurkituko ditugu atseden hartzeko eserlekuak eta mahaiak, informazio panelak, egurrezko zubitxoak eta pasarelak, urmaelak, txoriak behatzeko txabolak…

Joan aurretik begiratu eguraldi iragarpena eta informatu parkeko zerbitzuak zabalik ote dauden.

Basoko hiru ibilbideak

Ibilbideen gunetik ibiltzeak basoa ikusteko askotariko aukerak eskaintzen du. Prestatutako gunea eta eta labirintoa, bidea eta xenda baditu.

Labirintoa. Oihan txiki bat da, eta han hariztiaren oihanpearen aberastasuna ikusten da. Ibilbideak 300 metro ditu.
Bidea. 1.400 metro dira, non basoa osatzen duten zuhaitzen adina ikus daitekeen.
Xenda. Oinak busti gabe, hariztiko alderik umelena bisitatzeko aukera ematen du. 700 metroko luzera du.

Hiru ibilbideek guztira 2.400 metro osatzen dituzte, ez dute inolako zailtasunik, eta lasai ibilita 60 minututan egin daitezke. Mugitzeko gaitasun mugatua duten pertsonak ibiltzeko modukoak dira hirurak.

Beste ibilbide batzuk

Orgiko basotik gertu badaude beste ibilbide batzuk.

Aratxuriko ibilbidea
Zohikaztegiaren ibilbidea
Belateko itzuliaren ibilbidea
Orkingo Haritz monumentalaren ibilbidea

Nola iritsi

Orgiko basoa Iruñetik 25 kilometrora dago.

Bi errepide daude aukeran. Errazena da N-121-A errepidea Frantzia aldera hartu eta Ostitzen Lizaso aldera hartzea. Bestea aukera da N-240-A errepidea hartu eta Aizoainen N-4110 errepidetik Markalainera jaistea.

Donostiatik etorriz gero, A-15 autobidetik egin Urritzaraino.