Eskola garraioari dagokionez, Eusko Jaurlaritzaren COVID-19-aren prebentziorako jarduera protokoloak, ikasleek eserleku finkoak izatea eta haien bizikidetza taldeen eserlekutik hurbil egotea gomendatzen du.

Horrek esan nahi du, behartutako aireztapenarekin bada ere, ibilbidean zehar bizikidetza-talde ezberdinek, leihatila itxiekin eta espazio berdina partekatuz bidaiatzea saihestezina dela. Gaur egun, koronabirusa airean transmititu daitekeela dioten ebidentzia zientifikoak daude. Transmisio-arriskua areagotu egiten da distantzia txikietan, espazio itxi eta jendetsuetan, bereziki gaizki aireztatutakoetan. Transmisio-arriskua barnealdean kanpoaldean baino nabarmen handiagoa dela azpimarratzen da. Horregatik, ahal den guztietan, aukera gomendagarriena ahalik eta jarduera gehien aire zabaleanedo espazio ireki eta ondo aireztatuetan egitea da. Beraz, COVID-19-ari aurre egiteko, eskolara oinez joatea ditugun aukeraren artean onenetakoa da eta , seguru aski, ikasleen arteko kutsatzea saihesteko eta osasun-aholkuak errespetatzeko modurik egokiena da. Alde batetik, jarduera aire zabalean burutzen delako; eta bestetik, eskolarako bidean modu naturalean “burbuila taldeak” sortzen direlako. Normalean gela berean ikasten duten lagunen taldeak eratzen baitira