Osasun sailak aldaketak egin ditu sexu-bidezko gaixotasunen transmisioari aurre egiteko protokoloan, eta orain arte ez bezala txertaketa-egutegian aurreikusiko da giza-papilomaren aurkako txertoa mutilentzako ere.

Azken ikasturteotan txertoa jartzea onartzen zuten neskei bakarrik jarri izan zaie; orokorrean eskola-eremuan eta LH6-ko ikasturtean. Hala, ikasturte honetatik aurrera 12 urteko neska-mutiko guztiek izango dute txertatzeko aukera, eta 2024-2015 ikasturtean 2013an jaiotako ikasleek izango dute horretarako aukera.

Protokoloa, bestalde, aldatu egingo da eta bi dosi eman beharrean, bakarra emango da. Kanpaina honetan, gainera, 25 urte arteko herritarrek txertatzeko aukera izango dute. Azken horientzako kanpaina berezia egingo du Osasun sailak bai eskola-eremuan bai osasun zentroetan.