Antzuolako Herri Eskolako pedagogiaren jarraikortasuna zalantzan dago. Pedagogia sozio-konstruktibismoan oinarritutako ikastetxea da, baina pedagogiaren sortzaileak eta sustatzaileak izan diren irakasleen gehiengoak erretiroa hartu du, eta etortzen diren irakasle berrien egonkortasun faltak arriskuan jartzen du jarraikortasun hori.

Egoerak kezka sortu du herrian. Udalak, eskolak eta guraso elkarteak pedagogia horri eustea nahi dute.

Pausoka guraso elkarteko Nora Legorburuk azaldu du gurasoekin eta herritarrekin taldea osatu dutela indarrak batzeko.

Bide batez sozio-konstruktibismoan oinarritutako pedagogia zer den eta zein eragin duen azalduko du Legorburuk.

20042865