Eman diogu hasiera ikasturte berriari, eta liburuak eta koadernoak prestatzen ibiliko zarete etxe gehienetan. Denok eskolako koaderno berdinak edukitzen ditugu, ezta? Eta zergatik ez ditugu pertsonalizatzen? Gainera, gustura jardungo dugu…

Materiala

  • Koadernoak
  • Koloretako Eva goma.
  • Guraizeak.
  • Kola.
  • Boligrafo bat.

Nola egin

1. Marraztu formak eta moztu: Pentsatu zein irudi jarri nahi dizkiozun koadernoari eta marraztu formak Eva goman. Gure kasuan, itsas hondoa irudikatuko dugu koadernoetako batean eta dinosauroak bestean. Formak prest dituzunean, moztu. Gogoratu izena jarri nahi badiozu koadernoari forma hori ere prestatu beharko duzula.

2. Itsatsi irudiak: Forma guztiak prest dituzunean, koadernoan itsatsi behar dituzu. Ondo pentsatu non zer jarri nahi duzun. Zure koadernoa da eta zuk erabakitzen duzu.

3. Laga lehortzen: Kolak denbora apur bat beharko du ondo itsasteko. Utzi lehortzen behar beste. Formak ondo itsatsita daudenean, idatzi izena.

Eskulanaren iturria: Puntua aldizkaria eta Antzuolako Xinkona dendako Alaitz Jauregi.