Piklerrek hazkuntza proposamenak argi du haur bat gai dela bere motrizitate guztia bere kabuz garatzeko eta ez dela garapena bizkortu behar. Euskal Herrian badugu Pikler-Loczy elkartea. Ikastaro bat antolatu dute azaroaren 21erako, Lizarran.

3974565886_062cb1f97a_b

 

Emmi Pikler pediatrak (Viena 1902 – Budapest 1984) haur txikien hazkuntzarekin eta garapenaren lotutako aurkikuntza interesgarriak egin zituen. Budapesteko babes-etxearen zuzendaria izan zen 1946tik aurrera eta Loczy kalean zegoen sehaska etxe hartan ikerketa ugari egin zituen. Ateratako ondorioek ez dute gaurkotasunik galdu.

Haren hazkuntza proposamenak hiru oinarri ditu: mugimendu askea, kalitatezko zaintza eta sozializazio baketsua. “Haurrari heldu txiki bat balitz bezala begiratzen zaio askotan, ahal duena baino gehiago exijituz”, azalzen du nazioarteko Pikler-Loczy elkarteko lehendakariordea den Myrtha Chokler psikomotrizista argentinarrak.

Piklerrek hazkuntza proposamenak argi du haur bat gai dela bere motrizitate guztia bere kabuz garatzeko eta ez dela garapena bizkortu behar. Erritmo naturalak errespetatzearen onurak nabarmentzen ditu, eta haurraren berezko iniziatibanganako konfiantza aldarrikatzen du. Pediatra bezala Pikler ziur zegoen bizi-baldintzak eta inguruneak eragina zutela haurren osasun fisikoan.

Pikler begirada, Euskal Herritik

Euskal Herriko Pikler-Loczy Sarea 2009. urteko abenduan sortu zuten hamalau profesionalek; haur eskolako hezitzaileak, irakasleak, psikoterapia munduan lan egiten dutenak eta psikologoak daude tartean. Euskal Herriko Pikler-Loczy sareko kidea da, esaterako, Juanjo Quintela haur psikologoa. Piklerren berri izan zuenerako urte asko emanak zituen hezkuntzaren munduan, baina ez haur txikiekin. Antzuolako haur eskolaren diseinua egiteko eskatu ziotenean gerturatu zen txikienen alorrera. “Emi Piklerren proposamenaren ezaugarri bat da haurraren gaitasunei begiratzea; zer egiteko gai den ikustea eta ez hainbeste zer egiten ez duen”.

Euskal Herriko Pikler-Loczy elkarteak ikastaro bat antolatu du azaroaren 21erako, Lizarran. Hemen argibideak.

Elkartearen atari digitala hemen.

Argazkiaren iturria hemen.