Hondarribia eta Mutrikuko Saturraran hondartza lotzen dituen Ibilbide Handiko (GR) bidezidorra da Talaia Bidea. Baleontziak zaintzeko talaia zaharrak zeharkatzen ditu, eta luzea da bere horretan baina Hondarribian badira joan-etorri txikiagoak egiteko tarte politak eta azken finean Gipuzkoako natura eta kultura ezagutzeko aukera paregabea eskaintzen dute.

Gaurko proposamenak Hondarribian kokatzen da eta Jaizkibelen dagoen Justiz jatetxea du abiapuntu eta helmuga. Autoan iritsi daiteke Justizeraino. Hondarribitik igo daiteke eta Guadalupeko santutegia pasa osten dago bidegurutzea. Lezo aldatik ere igo daiteke.

Justiz jatetxera iristeko bidegurutzea GI-3440 errepidean.

Justiz jatetxea da eta ondoan du golf eskola ere. Aparkalekuak badaude nahiz eta jende pilaketa handiko egunetan txiki gelditzen diren. Garaiz joatea komeni da.

Autoan Justizen utzi ostean behera jo behar da. Itsasertza begi bistan dugula egingo dugu bidea eta hasiera batean behi eta zaldiz beteriko zelai bat zeharkatu beharko dugu itsas-labarrera jaitsi aurretik.

Itsas-ertzera iritsitakoan aukeratu egin beharko dugu ezkerrera jo (Hondarribia aldera) eta eskubira (Pasaia aldera). Gure kasuan eskubira egin genuen eta paraje ederrak izan genituen ikusgai.

Biosnar lurmuturrerainoko bidea egin genuen. Buelta leku beretik egin genuen. Bidean hainbat harri eta natur baliabide ikusteko aukera izan genuen.

Erritmoaren eta egindako geldialdien arabera bizpahiru orduko txangoa kalkulatu behar da.