Zugarramurdik, Urdazubik, Sarak eta Ainhoak osatzen dute Xareta eskualdea. Mugaren bi aldeetara dauden lau udalerriak; Nafarroan Zugarramurdi eta Urdazubi; eta Lapurdin Sara eta Ainhoa.

Mugalarien eta kontrabandisten lurraldea izan da beti; izan ere, ez da mugarik bertako biztanleentzat kanpotik inposatutakoa ez bada.

Lau herriak lotzen dituen ibilbide bat dago Pottokaren bidea deiturikoa. Zaldi edo pottoka urdin batekin dago markatuta eta larreak eta basoak zeharkatzen ditu. Ibilbide lasaia da, ez da gogorra eta egokia da familian egiteko zein oso entrenatuta ez dagoen jendeak egiteko.

Ibilbide osoa egiteko hamabi ordu baino gehiago behar dira. Hori horrela izanik eta txangoa egiteko hainbeste denborarik ez badugu komeni da aurretik aukeratzea zein tarte egin.

Eskualdeko udalerriek ondorengo mapa osatu dute argibideak emateko.

Informazio gehiago hemen.