Aurten ere  garai honetako  eskulan proposamenean,  Txatxilipurdi eta guraso.eus egitasmoek martxan jarri dugun Putzuetan Plast! ekimenarekin bat egiteko eskulana egingo dugu. Honetarako  eskulan  ireki bat  proposatu nahi dizuegu. Bildu etxean duzuen materiala, uztartu elementu naturalekin eta ea ze itsasontzi egiten duzuen putzuetan nabigatzeko

Materiala

Etxean duzuen eta egokia izan daitekeen materiala: intxaurrak, egurtxoak, zotzak, kortxoak, oial zatiak…

Elementu ezberdinak lotzeko : Kola beroa, soka, plastilina…

Elementu naturalak

Guraizeak

…

Pausuak

-Bildu etxean duzuen materiala, intxaurrak, egurrak, plastilina, zotzak, kortxoak…

 -Materiala mahai gainean   utzi eta egin dezala bakoitzak bere proiektua.

-Intxaurren oskolarekin itsasontzi klasikoa egin daiteke.

-Kortxo eta zotz handiekin katamaran landuak egin daitezke, apaindu eta gehitu elementuak! Baina kontuz ez ondoratzeko!

-Itsasontzi ezberdinak prest dituzuenean, aurkitu zuen putzua eta nabigatzera!