Guraso eta euskaltzale talde batek kanpaina abiatu zuen orain aste batzuk Disney multinazionalak bere produktuak eta, bereziki, Disney+ plataforma, euskaraz eskaini dezan lortzeko. “Disney multinazionalak eta bere menpeko Pixar, Marvel eta abarrek sorturiko filmak eta telesailak espainolez edo frantsesez bakarrik daude. Katalunian duela hilabete lortu zuten Disney+ plataforma digitala katalanez ere egotea, sinadura bilketa bat tarteko. Pentsatu dugu euskaldunok ere aukera hori izan dezagun mugitzeko ordua dela”, azaldu dute bultzatzaileek.

“2020ko martxoaren 24an irits zen Disney + Espainiar Estatura, Disney konpainiak berak eta bere¬†filialek, hala nola Pixarrek, ekoiztutako edukiak biltzen dituen sareko bideo plataforma. Plataforma berri honekin, euskal hiztun garen ikusleok berriro ikusi ditugu gure hizkuntza eskubideak urratuta; izan ere, Disneyk aukeratu du¬†konpainiaren filmen bertsio digitalek ere, zinemakoen moduan, euskal bertsiorik ez izatea”, gaineratu dute.

Gaur egunez 4.713 sinadura lortu dituzte.

Babesa emateko lotura hemen.