Leintz Eskola Kirola elkarteko koordinatzaileak neurri berriak ezagutu ondoren “lanean ilusioarekin” daudela azaldu du. Izan ere, ezin da ahaztu eremu gorrian dauden udalerrietan ere eskola kirola baimenduta dagoela orain.

Leintz Eskola Kirola elkarteko koordinatzaile Susana Santorrek, erabaki honek duen garrantzia azpimarratu du: “Ilusio handiarekin hasi ginen protokolo guztia jarraituz, ekintza guztiak bideragarriak izan daitezen neurriak jarriz, eta espero dugu aurrerantzean lehiaketak edo beste era bateko jarduerak egin ahal izatea. Gaur gaurkoz, astean zehar baditugu jarduerak eta astebutuetan familian egiteko proposamenak luzatzen ditugu. Adibidez, Hamabi tontor hamabi ikastetxe ekimenean familia mordoa parte hartzen ari dira. Hala ere, gure helburua, aurreragoko kirol ezberdinetako topaketak berreskuratzea eta antolatu ahal izatea da.”

Iturria: Goiena.eus

—

Eskola Kirola debekatuta egon da koronabirusaren inzidentzia-tasaren eraginez eremu gorrian zeuden udalerrietan, baina joan den astetik, herri horietan ere jarduera hauek baimentzea erabaki du Eusko Jaurlaritzak. Beraz, nahiz eta Debagoieneko herri bat eremu gorrian sartu, eskola kirola egiten jarraitu ahalko dute bertan.

Hala ere, oraingoz, entrenamenduak bakarrik baimendu dituzte, eta Leintz Eskola Kirolako kideen iritziz, lehiaketak baimentzea ere garrantzitsua izango litzateke; izan ere, ikasleek astean zehar entrenamenduak egin ditzakete, baina aste bukaeretako lehiaketek edo norgehiagokek bertan behera jarraitzen dute. Behar diren neurriak hartuta, hauek berriro abiaraztea posible dela azaldu du Susana Santorrek:

Etiketak: