Haurtzaroa putzu bat aukera bezala ikusi ordez oztopo gisa ikusten den lehen aldian amaitzen den egoera da
Putzuetan Plast! Ekimena jarri genuen martxan 20121eko otsailean zehar Guraso.eus eta Txatxilipurdi elkarteak elkarlanean. Proposamena oso sinplea izanagatik ere bazuen zerbait apurtzailea. Euskal Herriko hamaika putzutatik iritsi zitzaizkigun PutzuetanPlast! egiteko esperientzia bizigarri eta gozagarriaren lekukotzak jasotzen zituzten argazkiak.
Argazkiak jasotzearekin batera proposamen honen atzean egon zitezkeen hausnarketa eta ekintza aukera ezberdinak ere argitaratzen joan ginen. Gaurkoan atzera begiratu eta hilabete honetan argitaratutako edukiak bildu ditugu.
Aurrerantzean ere Naturaz gozatzeko, Naturaz ohartzeko edo Naturan jolasteko aitzakiak izango diren ekimenak proposatuko ditugu, egon adi!
Haurtzaroa putzu bat aukera bezala ikusi ordez oztopo gisa ikusten den lehen aldian amaitzen den egoera da
Zer gertatzen da euri egunetan ikastetxeetako patioak putzuz eta lokatzez betetzen direnean? Eskola askok jolastera ez irtetea erabakitzen dute. Familia askok uste dute hotz handiegia egiten duela eta haurrak bustitzen badira, gaixotu egingo direla. Beste pertsona batzuek uste dute zikintzea txarra dela. Eta beste batzuek… ez dute birritan pentsatzen… katiuskak jantzi, zira edo txamarra jantzi eta putzuak zapaltzera eta lokatzetan zikintzera ateratzen dira!
Ezagutzen duzue edo entzun duzue inoiz natura faltagatik nahastea?
Richard Louv idazle eta kazetariak idatzi zuen honetaz “Last child in the woods” liburuan. Bertan, haurrek gaur egun arte jasan duten naturaren bereizketari buruzko ikerketa egin zuen. Hortik eratortzen diren ondorio negatiboez jabetzeak inguru naturalaz berriro gozatzera bultzatzen gaitu.
Putzuetan Plast! Ekimenarekin lotutako eskulan proposamena egin nahi dizuegu gaurkoan. Egin paperezko itsasontzi bat eta aurkitu zuen putzua gozatzeko! Aitzakia bikaina da putzuen bila joan eta jolaserako baliatzeko. Sortu eta apaindu zuen paperezko itsasontziak, jantzi arropa egokia eta segi putzuen bila.
Putzuak, bereziki naturguneetan sortzen diren putzu edo urmaelak, biodibertsitatearen iturri dira, inguruko espezieen biziraupenerako ezinbesteko. Euskal Herrian, Aranzadi Zientzia Elkarteak urmaelen funtzio naturalari, dibulgaziorako eta hezkuntzarako funtzioa gehitu die, eta Eskoletako Urmaelen Sarea ari dira josten:
Udazkenean, neguan zein udaberrian ere egun euritsu eta hotzak izaten ditugu Euskal Herrian. “Zergatik jolastu naturan euria dagoenean?” artikuluan, eguraldi euritsuarekin ere aire librera irteteak haurrengan izan ditzakeen onurak aipatu genituen. Gaurkoan, egun horietan etxetik, eskolatik, ludotekatik … kanpora, parkera, basora edo landa gunera irteteko jantzi beharreko arropaz jardungo dugu.
Nork aurkituko du putzu handiena?
Hementxe putzuen inguruan egiteko jolas ezberdinak:
- Putzuen gainetik salto egin. Nork egingo du saltorik handiena?
- Putzuetan salto eginez zipriztindu. Hasi aurretik ingurukoekin adostu, guztiok gaude bustitzeko prest? Hala ez bada, elkar errespetatu.
- Putzutik putzura saltoka. Aurkitu putzu ilara bat eta egin salto batetik bestera putzuen kanpoan salto egitea ekidinez.
- Putzu barruan naturako elementuak eskuartean hartuta eraikuntzak sortu, txalupa bat adibidez.
- Euri bideak aztertu. Nora doa euri ura? Hosto edo makil txiki bat uretara bota eta jarraitu egiten duen bidea.
Sarri izaten dugu eguraldi euritsua gurean, zirimiria dela, euri langarra, zaparradak… euria Euskal Herriko eguraldiaren ohiko ezaugarria dela esan dezakegu. Hala ere, euriak maiz bisitatzen gaituen arren, egun euritsuetan kostatu egiten zaigu kalera irten eta jolastea. Euriak, hotzak, gaixotzeari beldurra izateak … eragin zuzena izaten du honetan.
Iruzkinik ez "Haurtzaroa putzu bat aukera bezala ikusi ordez oztopo gisa ikusten den lehen aldian amaitzen den egoera da"