Hona asteburuko egun euritsuetarako egiten dizuegun proposamena: jantzi uretan jolasteko bota iragazgaitzak edo katiuskak, eta irten putzuen bila!

Nork aurkituko du putzu handiena?

Hementxe putzuen inguruan egiteko jolas ezberdinak:

  • Putzuen gainetik salto egin. Nork egingo du saltorik handiena?
  • Putzuetan salto eginez zipriztindu. Hasi aurretik ingurukoekin adostu, guztiok gaude bustitzeko prest? Hala ez bada, elkar errespetatu.
  • Putzutik putzura saltoka. Aurkitu putzu ilara bat eta egin salto batetik bestera putzuen kanpoan salto egitea ekidinez.
  • Putzu barruan naturako elementuak eskuartean hartuta eraikuntzak sortu, txalupa bat adibidez.
  • Euri bideak aztertu. Nora doa euri ura? Hosto edo makil txiki bat uretara bota eta jarraitu egiten duen bidea.

Putzuetan plast! ekimenaren lehen astean hasi gara argazkiak jasotzen, Euskal Herriko txoko ezberdinetatik iritsi zaizkigu argazkiak! Anima zaitezte eta parte hartu!