Nahia Alkortak 36 urte eta hiru seme-alaba ditu. Bere lehenengo erditzean, Gipuzkoako ospitale publiko batean, indarkeria obstetrikoa jasan zuen, eta horrek ondorio fisiko eta psikologikoak utzi zizkion urteetan. Bere herrian egin dugu hitzordua eta testigantza jaso.

Guraso.eus Testigantzak

Nazio Batuen Erakundearen (NBE) Diskriminazioa Desagerrarazteko Batzordeak ebatzi du indarkeria obstetrikoaren biktima izan dela, eta Espainiako Estatuari agindu dio erreparazioa eman diezaiola. Batzorde honek frogatutzat jo ditu Donostiako Ospitalean jaso zituen hurrengo praktika desegokiak:

  • Haurdunaldia eragin zioten baimenik gabe.
  • Baginako gehiegizko ukimenak eman zizkioten.
  • Ez zioten jaten utzi.
  • Beharrezkoa ez zen zesarea batean bukatu zuen prozesua, erditzearen fisiologia ez errespetatzeagatik.
  • Ebakuntzan besoak lotu zioten.
  • Ez zioten senarrari sartzen utzi.
  • Umeaz bananduta izan zuten hurrengo orduetan.
  • Edoskitze artifiziala inposatu zioten.