Asteburuan bertako txokoez gozatzeko asmoa baduzu, proposamen dibertigarri bat dakarkizugu gaurkoan, txikienekin batera aspertzeko betarik uzten ez duena. Nafarroako Baztan eskualdean daudenAniz, Ziga eta Berroeta herriak ezagutzeko berriki estreinatu duten joko digital batez ari gara.

Joko berria Roadgames plataforman dago eta Zigan dagoen Baztango begiratokitik abiatzen da. Aniz eta Berroeta zeharkatzen ditu gero. Galderak erantzun, altxorra bilatu edo herrian sakabanatuak dauden harribitxiak eskuratu beharko dituzte jokalariek. Besteak beste, Baztango turismo bulegoan daude jokoan aritzeko kodeak.

Hona hemen jokoaren sortzaileei Ane Etxandi kazetariak Berriarako egindako elkarrizketa.