Txakurrak neska-mutikoekin irakurzaletasuna lantzeko

Gukan elkartearen proposamena da eta tailer berezia egin zuten Durangoko Azokako Saguganbaran. Jolasaren bitartez eta Lukas eta Dua txakurren motibazioarekin umeek ordubeteko irakurketa saioa egin zuten. “Irakurzaletasuna bultzatzea da helburua”, azaldu du Gukan elkarteko kide Ibai Fernandezek. “Konturatu gabe umeek ordubeteko irakurketa saioa egin dute”.

Neska-mutikoek irakurketaren bidez jaso dute hainbat informazio —jokoaren arauak, txakurrak errespetuz zaintzeko neurriak…—, eta txakurrekin jolasean egiteko aukera izan du.

Gizarte-hezitzaileak dira Gukan elkartean eta trivial formatuko joko baten bitartez umeek Lukaren eta Duaren historia irakurri zuten. Gainera, ikasi dute txakurrei bostekoa ematen eta jaten ematen.

Hainbat esparrutan egiten dute lan txakurrekin Gukan elkartean. Animalien laguntzarekin fobiak lantzen dituzte, behar bereziak… Facebook-en aurkituko duzu informazio gehiago.