Pagoeta eta Iturraran parketxearen ondoan daude Agorregiko errota eta burdinola.

Orioko gainetik Aiarako bidea hartu behar da hara joateko eta Manterolako aparkalekuan utzi behar da autoa.

Handik ia kilometro bat dago oinez Agorregira, baina bide erosoa da, laua eta asfaltatua. Erreka dago bide ondoan eta ganadua ustiatzen duen baserri baten ondotik igarotzen da. Behin tokira helduta, errota ikusten da lehenengo eta burdinola gero.

Bisita, burdinolaren atze aldetik hasten da, eta errotako ura non pilatzen den ikusten da. Errota barruan, harriek irina nola xehatzen duten azaltzen du gidariak eta galbahean pasatu ostean eskuekin ukitzen ere uzte diete umeei.

Burdinolan, berriz, burdinari forma nola ematen zioten azaltzen dute. Hauspoa erraldoia da.

Argazkiaren iturria hemen.