Guraso.eus ekimena Goiena komunikazio taldea, Arrasateko Udala eta Txatxilipurdi elkarteen arteko elkarlana da. Azken elkarte honetako kideok mintegia egin dugu ikasturteari hasiera emateko. Amesteko prest?

Hemen ikasturteari hasiera ematen dion idatzi eta bideoa.

Ametsei ekiteko prest!

Udako oporrak bukatuta, Txatxilitarrak ikasturte berriari ekiteko prest gaude. 

Urtero bezala, GaraiONeko espazioak eskaintzen duen goxotasunean murgildurik, talde izaera eraiki, hausnartzeko tartea hartu eta ikasturteko norabidea fintzen jardun dugu.

Ikasturte honetan hiru hamarkada beteko ditugu, 1994. urtean sortu baikinen. Hau horrela, nondik gatoz eta non gauden kontuan izanik, nora joan nahi dugun elkarrekin berramesteko une aproposean gaudela esan dezakegu. Zentzu horretan, gure izaera islatuko duen marka- irudia berritzeko prozesua abiatzera goaz.

Bide beretik, 2023-24a beste hainbat berrikuntzaz josia datorkigu. Honek, biziberriturik mantenduko gaitu eta amesten jarraitzeko ausardia emango digu. 

Azkenik, ezin aipatu gabe utzi herritar zein eragile orok gure elkarteko ateak parez pare irekiak aurkituko dituela; entzuna izan, gure berri jaso edo eta elkarlanean jarduteko.

Ikasturte ameslari on guztiori!

Txatxilipurdi elkartea, 2023ko irailaren 8an