Beste urte batez Txisteratik jaia ospatuko dute Azpeitian, eta haur nahiz helduendako egitaraua prestatu dute. Gaur eta bihar magiak hartuko ditu Azpeitiko kale eta aretoak. Gaur, arratsaldeko seietan, Eneko Gutierrez, Oier Jurado eta Paco Agrado magoen magia ikuskizuna ikusi ahal izango da gertutik.

Bihar, berriz, 12:30ean hasita, kalean zehar ibiliko dira magoak gertuko magia egiteko, eta kaleko magia lehiaketa egingo dute, eta arratsaldeko zazpietan Gala Nagusia izango da Soreasu Antzokian Joshua Kenneth, Enzzo, Julen Magoa, Tor eta Txoborrorekin.

Urteko asteburu magikoena izango da eta sarrerak salgai daude Kulturazen webgunean. Antolatzaileek herritarrak parte hartzera gonbitatu dituzte: “Zatoz gozatzera, harritzera eta magiak eramatera. Ez galdu, ahaztezina izango da!”.