Umeen parte-hartzea etxeko zereginetan

Jaso, garbitu, erosketak, oheak egin… etxean zeregin asko dago, eta komeni da seme-alabak ere zeregin horietan trebatzea. Umearen adina kontuan hartuta eta zeregin errazetatik abiatuta komeni da txikitatik erakusten hastea. Zenbait ardura bere gain hartzeak mesede egingo dio, eta etorkizunean bere burua aski izango du zeregin askotarako.

Haurra motibatzea, errutina bat ezartzea eta ondo egindakoak txalotzea gomendatzen dute adituek. Motibatzeko bide egokiena ezarritako zereginak adinaren araberakoak izanik jolas moduan aurkeztea da. Jostailuak batzen, lorategia ureztatzea, arropa zikina dagokion saskira eramatea… egiteko errazak aukeratuko ditugu hasiera batean eta modu dibertigarrian ekingo diogu prozesuari. Poliki poliki zeregin berriak gehituko ditugu: mahaia ipini/kendu, lorategiko hostoak jaso, ohea egin…

Garrantzitsua da errutina bat ezartzea, eta behin ekindako bideari jarraipena ematea. Ohitu egin behar dugu umea ezarri dizkiogun zereginak egitera. Denok bizi gara etxean, beraz denok lagundu behar dugu etxeko lanetan.

Haurraren borondatezko parte–hartzea ziurtatzeko txalotu egin behar dugu hasiera-hasieratik egindako lana. Gure txaloekin indartu egingo ditugu jarrera egokiak, eta umearen auto-estimuan eragina izan du horrek.

Argazkiaren iturria hemen.