Galtzagorrik eta Donostiako Haur Liburutegiak antolaturik, oraingoan, San Jeronimo kaleko sotoan egingo da. Izen-ematea gomendatzen da.

 Urriaren 22an burutuko du Galtzagorri Elkarteak Donostiako Haur Liburutegi Nagusiarekin elkarlanean Ipuin Kontalarien II. Maratoia. Maratoiaren lehenengo edizioa San Telmo museoan egin zuen Galtzagorrik, Elkartearen 25. urteurrena ospatzeko. Orduan, Donostia 2016ko Europako Kultur Hiriburu Fundazioaren laguntza jaso zuen. 200 pertsona bildu ziren orduko hartan, eta izan zuen arrakasta ikusirik, 2016an bigarren edizioa prestatu du, Donostiako Haur Liburutegi Nagusiarekin elkarlanean. II. Maratoiaren baitan lau ipuin kontaketa saio eskainiko dira, Donostiako Liburutegi Nagusian (San Jeronimo Kaleko sotoan, Donostian).

Ipuin Kontalarien II. Maratoian lau ipuin kontaketa saio eskainiko dira, esan bezala, Donostiako Liburutegi Nagusian. Galtzagorri Euskal Haur eta Gazte Literatura Elkarteak Egitarau anitza prestatu du, haur, gazte eta helduak erakartzeko asmoz. Egun osoko saioetan, zuzeneko musikaz lagunduriko ipuinak, antzeztutakoak, itzal txinatarrak, belarrira xuxurlatuko poesiak.. entzun ahal izango dituzte bertaratutakoek.

Egitarau zehatza

Adin ezberdinetako haur eta gazteentzat prestatu diren lau saioak hauek dira:

  • 11:00. Xabier Olaso. Tximeletrak airera 2-5 urteko haur eta gurasoak.
  • 12:00. Bego Alabazan. Jhonny Cold Feet itzal txinatarrak. 6-9 urte.
  • 16:00. Kalabazan Kultur ekimenak (Irati Astobieta, Garazi Basterretxea eta Jone Ibarretxe). Olerki xurxurlatuak. 10-14 urte.
  • 17:00. Ines Bengoa. Hotzikara, gozamen erotikoaren historia. 14 urtetik aurrera.

Saioak doan dira, baina izena ematea gomendatzen da, saio bakoitzean lekua mugatua izango baita. Horretarako, helbide honetara idatzi behar da: haurliburutegia@donostia.eus

Informazio zabalagoa:

www.galtzagorri.eus

galtzagorri@galtzagorri.eus

ii-maratoia