Haur eta nerabeen kontrako indarkeriaren datuak izugarriak dira.

  • Gizarte Gaietarako Ministerioaren arabera, 2020an jarritako 35.778 salaketatan biktima haurra edo nerabea zen. Horietatik, 5.685 sexu-askatasunaren kontrako delituengatik izan ziren, gehienak nesken kontrakoak.
  • Azken urteotan, adinez txikikoen indarkeria mota guztiak % 298,8 igo dira.
  • Kasu guztien heren batean lesio fisikoak, kolpeak, zaplaztekoak, muturrekoak, ostikoak, etab. izaten dira mehatxu larriez, hertsapenez eta garrasiez gain. Eta % 6,7k traumatismoak, hezur hautsiak eta kontusio handiak erakusten ditu.
  • Bestalde, indarkeria-kasu guztien % 70,4 norberaren etxean edo familia-inguruneko etxeetan gertatzen dira.
  • Azkenik, adinez txikiei egindako sexu-abusuak % 300,4 igo dira, azken hamarkadan, hau da, lau aldiz gehiago. Salatutakoak, ordea, horien % 10,6 bakarrik izan dira. Gainera, horien artetik % 18,2 artxibatu egin ziren frogarik ez zegoelako. Eta zoritxarrez, ingurukoen erantzuna ez da izaten babestea: % 37,8 kasutan gertatutakoa ukatu egin dute, % 31,1en erasotzailea justifikatu edo babestu dute, %23,9tan negligentzia izan da edo ez da erreakzionatu, eta % 7,2tan biktimari egotzi diote errua.

Urtea bete berri duen Haurrak eta Nerabeak Indarkeriaren aurrean Babesteko Lege Organikoak (LOPIVI) aldaketa ugari ekarri ditu eta, horiekin batera, haur eta nerabeen babes handiagoa eta hobea. Ikuspegi integrala du, eta indarkeria mota guztien aurrean jarduten da fase guztietan (sentsibilizazioa, prebentzioa, detekzioa, babesa eta biktimen erreparazioa), ikuspegi prebentibo eta pedagogiko argiarekin.

Gaztematika, gipuzkoako haur eta gazteen sustapenerako sareak legearen laburpena argitaratu du eta OPIVI legearen atal guztietako alderdi nagusiak jasotzen ahalegindu dira.

Hemen dokumentua ikusteko aukera