2017. urtean sortu zuten Nafarroako toki-entitateetako 28 euskara zerbitzuek ERA.eus egitasmoa. Aurten, bosgarren aldiz antolatu eta argitaratu dute Gurasoentzako eskola hazkuntzarekin, euskararekin eta hezkuntzarekin lotutako grabatutako hiru saiorekin. Estitxu Fernandez Maritxalar, Gotzon Barandiaran Arteaga eta Saroa BikandI Lopez izan dira hizlari edizio honetako hizlariak.

2026ko gaiak

2026ko ERA eskolak youtuben eta spotifyn daude eskuragarri, euskaraz zein gaztelaniaz, eta honako hiru gaiak jorratzen dira:

  • Gaia: “Ume baten zain: Saski linguistikoa prest? Bost aholku, ninia etxera etorri aurretik egiten hasteko”.
    • Hizlaria: Estitxu Fernandez Maritxalar, psikologo perinatala, idazlea, bertsolaria eta Nafarroako Bertsozale Elkarteko langilea.
  • Gaia: “Gurasoak euskarazko kulturgintzaren transmisore. Sormenaren eragin positiboa haurren hizkuntza-gaitasunean eta garapen integralean”.
    • Hizlaria: Gotzon Barandiaran Arteaga, euskararen eta bere kulturgintzaren langile autonomoa.
  • Gaia: “Nola irakurri album ilustratu bat? Testuaren eta ilustrazioaren fusioa transmisioaren lagun.”
    • Hizlaria: Saroa Bikandi Lopez, irakurzaletasuna sustatzeko bitartekaria da, ipuin kontalaria, kultur dinamizatzailea eta haur eta gazte literaturan aditua.

Era.eus egitasmoko baliabideen atalean ERA Eskolaren bost edizioak aurkitu daitezke, Gurasoentzako Aholkuak azpiatalean.