Vikidia, 8-13 ute bitarteko umeentzako euskal entziklopedia

Umeei begira eta euskara errazean idatzitako Wikipedia moduko bat da Vikidia. Bestela esanda,
8-13 urte bitarteko umeentzako euskal online entziklopedia bat.

Adin-tarte horretako umeentzako moduko lexikoarekin eta sintaxiarekin eta euskara garbian eta errazean egina umeen eskola-beharretara bereziki moldatua da Vikidia. Baina ez hori bakarrik.  “Euskara errazean idatzitako Wikipedia moduko bat izatea nahi dugu, eta, hartara, euskara ikasten ari diren helduentzat ere izan daiteke baliagarria. Edozeinek kontsulta dezake nahi dugulako artikulu irakurterrazak eta ulerterrazak egotea”, adierazten dute bultzaileek Vikidia-ren bitartez.

Nork egiten du Vikidia?

Vikidia wiki proiektuan edonork parte har dezake, artikuluak idatziz, aldatuz edo osatuz, informazioa gehituz edo zuzenduz. Horretarako kontua ireki beharra dago, baina oso erraza da. Hori bai, beti errespetatu behar dira egile-eskubideak.”Wikipediaren bertsio laburtu edo errazago bat izatea nahi dugu, batzuetan Wikipediako artikuluak luzeak, konplexuak eta zailak izaten direlako”.

Helburua da 8-13 urte bitarteko euskal umeek Vikidia egiten parte hartzea. “Gure asmoa da haiek izatea interesatzen zaizkien artikuluak idazten dituztenak, beharbada euren irakasleen laguntzarekin eta eskolarako baliagarriak izan daitezkeen gaietan euren ekarpena eginez”.

Informazio gehiago nahi baduzu, sakatu hemen.