Xomorro lapurra bularreko minbiziari buruz hitz egiten duen ipuina da. Irati Garmendiak idatzi du eta ilustrazioak Ane Arzelusenak dira. Erein argitaletxeak argitaratu du.

Familientzat lagungarria izateko sortu den baliabidea da; izan ere, familia asko topatu dira aurrez aurre gai honekin eta estrategia gabe sentitzen dira. Nola esan haur bati amak, amonak, izebak… ilea galduko duela? Nola azaldu ebakuntza baten ostean bular bat edo biak galdu dituela? Nola ulertarazi agian berarekin jolasteko nekatuegi dagoela ama, amona…?

Bi minutu pasatxoko bideo batean ere jaso du Garmendiak ipuinaren muina. Jarraian duzue ikusgai: