Zapotxin eta Pontx pailazoen laguntzaz, Debagoieneko ikastetxe guztietara heldu zen Bizipozaren magia. Koloreen jolasarekin, poesiarekin, kantuekin eta dantzekin, Lehen Hezkuntzako 3. eta 4. mailetako haurrek Bizipozaren baloreak deskubritu zituzten: zerua, aterpea, harrera herria, natura, elkar zaintzea, familia, lagunak, maitasuna, berdintasuna, elkartasuna, askatasuna… Hau guztia eta gehiago baita Bizipoza!

Astelehen honetan falta zitzaien ikasleekin egin dute “Bizipozaren sekretua” emanaldia pailazoek, Bergarako Aransgi elkarteko ikasleengana gerturatu dira eta ikuskizuna eskaintzeaz gain seinu hizkuntzan ere trenatu dira.

AransGi Gipuzkoako pertsona gorren familien eta lagunen elkartea da eta, besteak beste, Gipuzkoako ikasle gorrei hezkuntza erantzuna ematen die. Tolosan, Donostian eta Bergaran dauzkate ikastetxeak, eta Bergarako honetara Debagoiena bailara guztiko ikasle gorrak joaten dira.

Magia eta kolorez jositako goiz honetan, Bizipozaren sekretua deskubritzeaz gain, Zapotxinek bere izena zeinu hizkuntzan esaten ikasi du. Nola den jakin nahi? Ikusi bideoa!