Zein da besoko urdinen esanahia?

Alarma-egoerarekin batera etorri zen konfinamendua egoera zaila da guztiontzat. Baina bereziki gehien sufritzen ari den kolektiboetako bat aniztasun funtzionala duten haurrak dira. Askok salatu zuten haur hauen beharrak ez zirela kontuan hartu lehen errege-dekretuan. Egun gutxira zuzendu zuen Osasun Ministerioak, eta bide publikoetatik lagun zezaketela gaineratu zuen: “Ezintasunen bat duten pertsonak, adingabeak, adinekoak.”.

Autismoa edo bestelako nahasmendu psikikoak dituzten haurrak dituzten gurasoak izan ziren neurri hori gehien eskertu zutenak. Nahasmendu horiek pairatzen dituzten haur horietako gehienek egunero atera behar dute kalera, medikuak aginduta. Hala ere, hainbat gurasok adierazi dute sare sozialetan beren ezinegona, kalean edo terrazetan barrena ikusten dituen jendeak errieta egiten dielako.

Arrazoi horregatik, hainbat familiak euren burua identifikatzea erabaki dute seme-alabekin kalera irtetean. Eta jantzi urdin batekin egingo dute, autismoaren kolorea: kamisetak, besokoak, txanoak, jertseak. Autismo España erakundeak komunikatu bat kaleratu zuen, “Autismo espektroaren nahasmendua duten pertsonentzat eta horrelako irteeretan lagun dituztenentzat gizarte osoaren ulermena eta errespetua” eskatzeko. Mezua sare sozialetan oso azkar mugitzen ari da eta Euskal Herriko Autismo erakundeek bat egin dute mugimenduarekin.