Irailean, lagunekin edo familiarekin eguraldi ona egiten duen domeketan bada plana Zelatunen (Albiztur), Hernio mendiaren magalean. Izan ere, iraileko domeka guztietan erromeria izaten da bertan dauden bi bordek antolatuta.

Zelatun eta Ernio

Andazarrateko Sanatorio zaharra (436 m) da abiapuntua, eta Iturriozeko Bentatik gora bidea hartuta iristen da Zelatungo bordetara (895 m). Bertara iritsi eta gehiago nahi duenak, Ernioko tontorrerainoko (1075 m) bidea ere egin dezake. Gainera, gailurrerako bidean lehen harrizko gurutzea dago, eta beso batean burdinazko uztai batzuk daude eta, bestean, erromesari saltzen zaizkion kolorezko ehunka zinta daude zintzilik. Atseden bat zintak erosteko eta uztaiak gorputzean zehar pasatzeko (erromes batzuek aldi berean otoitz egiten dute), horrela erreumak sendatzen direlako edo berarengandik defendatzen direlako ustean.

Iraileko lehen igandeko erromerian, Enaitz eta Erkizi trikitilariak izan ziren musikaz girotzen. Inguruetako herrietako erromeriazaleek badakite Zelatunen zein giro eder sortzen den, eta, askok bazkaria ere eramaten dute, bertan bazkaltzeko asmoz. Euskal giroa izaten da nagusi, eta, dantza ere ez da falta sekula.

Behin martxa hartuta, datozen hiru domeketan ere izango da festa Zelatunen. Irailaren 14an, Aitziber Arruabarrena eta Aritz Erasun igoko dira oholtzara; 21ean, Ostolaza eta Larrañaga; eta 28an, Izer eta Alabier.