Maider Garcia de Vicuña guraso.eus egitasmoko kolaboratzailea da. 20 urte daramatza sexu heziketan lanean eta aspalditik zuek ideia haurrei zuzendutako liburu bat egiteko. Maiderrekin hitz egin dugu bere ahizparekin batera argitaratu duen “Zer da ezkutatzen duzun hori?” liburuaz.

“Helburua, umeek bere gorputza osotasunean ezagutzen, onartzen eta maitatzen laguntzea da. Hori dela eta, gehiegitan ezkutuan, izenik gabe eta txar bezala tratatzen diren genitalak, modu sinple eta goxoan hurbildu nahi dizkiegu. Aldi berean familiei, sexualitateaz, hortaz baita gorputzetaz ere, txikitandik landu ahal izateko tresna berri hau eskeini nahi diegu.”

Alu eta Zakil protagonista atseginak dira, guztia modu sinplean azaltzen dute eta umeei naturaltasunez aritu gaitezkeela erakutsiko diete, berauen gorputza osotasunean ulertuz eta maitatuz.

“Sexualitatea lantzeko moduak, etxe zein eskoletan, hobera egin badu ere, asko dira genitalen izenak ezagutzen ez dituztenak, berauen anatomia, nola funtzionatzen duten eta nola zaindu ez dakitenak.”

Poliki poliki gauzak aldatzen doazen arren, oraindik ere jendartean tabuak ditugula aipatu digu Maiderrek, liburu honek genitalak naturaltasunez ezagutu eta izendatzeko proposamena egiten digu.