15 eta 25 urte arteko nerabeen eta gazteen %15-20k sareekiko menpekotasuna dute; %2k, berriz, adikzioa. Zer diote horri buruz adituek? Puntua aldizkarian gai horri buruzko eztabaida jaso dute, eta honaxe ekarri ditugu adituen iritziak.

Garbiñe Agiriano, psikologoa

“Gogorrak dira datuak, bai ez gaituzte sorpresaz harrapatu; denok ditugu sare sozialak eskura, azken batean. Oso zaila da guztiz zehaztea noiz dagoen adikzioa, baina menpekotasuna erraz identifikatu daiteke; egun osoa sakelakoarekin igarotzen badugu, esaterako”.

Jorge Flores, Pantallas Amigas

“Muga bat jartzeak neurtzeko eta lehenesteko beharra markatzen du, eta hori egin beharko genuke sareen erabileran. Baina kontuan hartu behar dugu erakargarritasuna hain handia izanda ez dela zaila gehiegizko erabilera egitea”.

Lukene Lizaso, AGIPAD elkartea

“Nerabeek zenbat erabili behar duten kontrolatu beharreko zerbait da, baina nork egin behar du? Gobernuak, familiak… Egokia litzateke sareen inguruan egiten den publizitatea kontrolatzea edota bertan egin dezaketen gastua ikuskatzea”.

Uxue Prieto, gaztea

“Datu nahiko larria dela iruditzen zait; batez ere, adin tarte jakin eta murriztu batean kokatzen delako arazoa. Nire inguruan ere ohikoak dira
halako jarrerak; sare sozialetan etengabe partekatu beharra, edota sakelakoari kasu handiegia egitea”.