2015. urtean,  Gorka Torre kolaboratzaileak haurrek  “Helduentzat egindako haurren marrazkien zentzugabekeriaz” idatzi zuen. Garai hartan Bizitoki egitasmoan marrazketaren inguruan egindako hausnarketa eta praktika  aurkeztu zigun  eta Arno Stern alemaniarrak sortutako pedagogia  edo zientzian oinarrituta bizitokiko  esperientzia  zein zen azaldu zigun.

Gaurko honetan  Andre Stern izango dugu hizpide, Arnoren semeak idatzitako liburu bat ekarri nahi izan dugu Guraso.eus era. Lit-era argitaletxeak gaztelerara ekarri zuen “Jugar” izeneko liburua. Funtsean jolasaren garrantziaren aldari bat da liburua. Andrek bere esperientzia pertsonaletan  oinarritutako ideiak azaltzen ditubertan  baina ez da liburuko idazle bakarra; arte eta zientzia munduan esanguratsuak diren, bestelako pertsonek  jolasaren inguruan duten ikuspegi propioa azaltzen dute liburuan. Gerald Hüther, Sabine Kriechbaum, Teresa Meckel, Sophie Rabhi, Sir Ken Robinson, Katharina Saalfrank, Thomas Sattelberger, Arno Stern eta  Erwin Wagenhofer.

Zer gertatuko litzateke haur baten jolasa inoiz oztopatuko ez bagenu? Galdera horren erantzuna  bere esperientziatik kontatzen du Andrek, ez berari ez eta bere seme alabei ez baitzaie inoiz jolasa eta honetarako denbora mugatu.

Zein da jolasa eta ikasketa prozesuaren arteko muga? Zergatik oztopatze dugu haur baten jolasa,  jakinda benetan pasioz egiten duen zerbait dela?

Jolasa eta hezkuntzaren arteko harremanaz hausnartzeko aukera eskaintzen da liburuan baita gurasotasuna eta jolasaren arteko harremanaz hausnartzeko ere.