‘Zintzoa izan zaitez!’ esaldiaren arriskuak

Gurasook sarri erabiltzen dugun esaldia da: “Zintzoa izan zaitez!”. Zenbait adituk diote, ordea, ez dela formula egokia haurrak egoki hezteko. Zergatik? “Funtsean, haur batek ez dakielako zer den esaldi horrekin eskatzen dioguna”, dio Lola Rovati kazetariak. “Haurrari galdetzen badiogu zintzoa izatea zer den seguruenik gurearengandik oso ezberdina den erantzuna emango digu”.

Rovatiren esanetan haurrari argi eta garbi adierazi behar zaio zer den berarengandik espero duguna. Egoera konkretu bakoitzean adierazi behar diogu ze jarrera deritzogun egokia. “Ematen dugun heziketarekin, besteak beste, mugak finkatuko ditugu gurasook, eta muga horien bitartez ikasiko du haurrak zintzoa izatea zer den”.

Rovatik adibideak ere ematen ditu. “Errepidea gurutzatzerakoan eskua ematea nahi badugu ez diogu zintzoa izateko esango baizik eta “Eman iezadazu eskua”. Eta azalduko diogu zergatik: “Eskua eman behar didazu autoak dabiltzalako eta istripuak gertatzen direlako. Arriskutsua izan daiteke bakarrik gurutzatzea”.

Azkenik, adituak azpimarratzen du ez dugula haurra bera gaitzetsiko, baizik eta egokia ez den jokabidea.

Albistearen eta argazkiaren iturria hemen.