Txatxilipurdi elkarteko bigarren bideo podKasta argitaratu dugu. Elkartea zeharkatzen duen proiektu bat izan dugu oinarri oraingoan. Euskal herrian Herri Hezitzaileak sustatzen eta saretzen dituen Oinherri elkartea. Maite Aspiazu, Arrate Gaztelu eta Aitziber Leoz izan genituen Goienako podcast txokoan.

Hezkuntza da pertsonok ingurua eta mundua begiratzeko eta bizitzeko dugun modua eraldatzeko garatu beharreko prozesuaren gako garrantzitsuetako bat. Hala ere, horretarako hezkuntza egitasmoen ikuspegia zabaldu beharko genukeela uste dute Oinherriko kideek. Herri hezitzailearen filosofiatik hezkuntza, eskolaz eta familiaz haratago, herriko eragileen arteko ardura konpartitu moduan ulertzen dute: tokiko udalek, hezkuntza formal zein ez formaleko eragileek eta herrigintzakoek partekatzen duten ardura, hain zuzen ere.