Oporrak Bakean egitasmoaren bidez, Tindufeko (Aljeria) errefuxiatuen kanpalekuetan bizi diren 305 haur sahararrek uda Euskal Herrian igaroko dute. EAE-ra 205 ume iritsiko dira (26 Arabara, 86 Bizkaiara eta 92 Gipuzkoara), Nafarroara, aldiz, 101.

Programaren helburua haurrei udako hilabeteetan atseden hartzeko aukera eskaintzea da, errefuxiatuen kanpalekuetako baldintza gogorretatik aldenduta. Egonaldian osasun azterketak ere egingo dizkiete, eta familia ingurune osasuntsu batean bizitzeko aukera izango dute. Horren atzean, urtero bezala, harrera familien, elkarteen, boluntarioen eta erakundeen elkarlana dago.

40. urteurrena

Aurtengoa, gainera, urte berezia da: 40 urte bete dira gurera lehen haur sahararra iritsi zenetik. Horregatik, aurtengo leloak urte hauetan guztietan erakutsitako konpromisoa islatu nahi du: “40 urtez gure ateak zabalik eta haien esperantza bizirik”.