Arantzazuko Parketxeak familia osoari zuzendutako proposamen berezia prestatu du uztailaren 18 eta 19rako. “Arantzazuko altxor galduen bila” jardueraren bidez, parte-hartzaileek orientazioaren oinarrizko teknikak ezagutzeko eta naturaz modu dibertigarrian gozatzeko aukera izango dute.

Arantzazuko ibilbide irisgarrian barrena egingo den ekintzan, familia bakoitzak mapa bat izango du esku artean, eta bertan ezkutatutako pista eta altxorrak aurkitzea izango da erronka. Ibilbidean zehar, inguruko natura, paisaia eta txoko bereziak ezagutzeko aukera izango dute parte-hartzaileek, jolasaren bidez.

Jarduera euskaraz zein gaztelaniaz eskainiko da, eta goizeko 11:00etan hasiko da Arantzazuko Parketxean. Ordubete eta erdiko iraupena izango du, eta 12:30ak aldera amaitzea aurreikusten da.

Parte hartu ahal izateko, aurrez izena ematea derrigorrezkoa da.

Informazioa eta izen-ematea: