Philip Bruchner hezitzaile alemaniarra da, urteak daramatza baso eskolak sustatu eta haurrak naturan hezteak dituen aukera eta onuren ingurukoak hedatzen. Besteak beste, ideia hauek nabarmentzen ditu naturan heztearen garrantziaz hitz egiterakoan:


Haurra naturan jolasean libre uzten baldin badugu, bere garapen pertsonalak edota kuriositateak gidatuta hartuko ditu erabakiak. Ondorioz, naturan jolasteak, haurrari bere autonomia garatzen laguntzen dio eta benetan arreta deitzen dioten horietan jardutera bultzatzen du.


Auto-estimua funtsezko oinarri emozionala da, oinarri honetatik garatzen dira pertsonaren gainontzeko bertute guztiak. Zentzu honetan, natura eta jolas librea auto-estimua garatzeko espazio idealak dira, haurrak erabakitzen ikasten du eta autonomia, kontzentrazioa, motibazioa eta lengoaia irabazten ditu.


Naturak sormena eta kuriositatea garatzen laguntzen dio haurrari. Naturan ez dira aurrefabrikatutako jostailuak egoten, hori dela eta, haurrek bertan aurkitzen dituzten makilei, landareei, lokatzari, … zentzua eman behar izaten diete. Gainera, haur bakoitzak elementu bakoitzari zentzu desberdin bat emateko aukera ematen du eta honek haurrak beraien artean hitz egin, eztabaidatu eta adostasunetara iristera bultzatzen ditu.


Haurrak mugak bere kabuz aurkitzen ditu eta ez modu zuzenduan. Honek helduaroan beraien mugak zeintzuk diren ezagutzen eta beraien erabaki hartzeetan arriskuak hartzen lagunduko die.