Gaurko honetan ere mendiko makilen balio nabarmendu nahi dugu, naturan aurkitzen dugu eskulanetarako materialik baliotsuena. Mendian batutako makilekin “makila txinatarrak” jolasa egitea proposatu nahi dizuegu. Basora joan eta makilak jasotzea,  naturaz gozatzeko aitzakia polita izan daiteke, beste behin ere.

Materiala

Makilak  (40 cm ingurukoak)

Neurtzekoa

Egurra mozteko zerra

Pintzela eta pintura zuria

Pausoak

  1. Mendira, basora edo parkera joan. Batu lurreko makilak. Proposamen honetarako ahalik eta zuzenenak eta lodiera  antzekoa dutenak
  2. Makilak hartu eta 40 cm troko zatiak markatu  ditugu
  3. Zerrarekin moztu ditugu. Guk 25 makilako jokoa osatu dugu
  4. Makila bakoitzari dagokion puntuazioa marraztu diogu. Puntu bat – marra txuri bat.
  5. Makila guztiak sikatu eta gero jolasa prest dugu. Ea nork hartzen dituen makila gehien.