Ezagutzen  duzue edo entzun duzue inoiz natura faltagatik  nahastea?

 Richard Louv idazle eta kazetariak idatzi zuen honetaz  “Last child in the woods” liburuan. Bertan, haurrek gaur egun arte jasan duten naturaren bereizketari buruzko ikerketa egin zuen. Hortik eratortzen diren ondorio negatiboez jabetzeak  inguru naturalaz berriro gozatzera bultzatzen gaitu.

“Gaur egun, haurrak ingurumenaren aurkako mehatxu globalen jakitun dira, baina haien kontaktu fisikoa eta naturarekin duten harreman  intimoa desagertzen ari dira”

Richard Louv

Hausnarketa honek, natura eta eskaintzen dituen baliabideak baliatuz haurrei hura zaintzen, errespetatzen  eta merezi duen balioa ematen irakasteko aitzakia eskaintzen digu.



Badirudi, orokorrean gero eta gehiago aldendu garela naturagandik, bere aldaketetatik, bere hotz-beroetatik , bere usain eta koloreetatik, eta gero eta gehiago sartu gara gure kutxatxo txikietan, arrazionalki ideala denaren bila jo dugu. Ez gara bustiko ez dugu hotzik pasako ez eta berorik ere! Ez gara lokatzetan zikinduko!


Orain inoiz baino gehiago naturarekin harreman hori berreskuratzeko aitzakiak ditugu, gurasotasunetik eta hezkuntzatik, bizi ditugun sistema guztietan balioan jarri beharko genuke naturak eskaintzen dizkigun onurak.

Hausnarketa honekin egiten du bat Putzuetan plast! ekimenak, azken astea duzue aitzakia hau baliatu eta goitik behera bustitzeko, zikintzeko… aurkitu zuen inguruko putzu aproposa  eta egin plast!