Itzal titere tailerra Zurrunka Teatro taldeak gidatzen duen proposamen didaktikoa da. Zortzi urtetik gorako umeei zuzendutakoa da, eta aste honetan Oñatiko liburutegian egon dira.

Eñaut Gorbea, proiektuaren sustatzaileak azaldu duenez, proiektuaren baitan hainbat alor lantzen dituzte: haurren irudimena, jolasa eta sormena, bolumenak, geometria eta baita espazioaren kontzientzia lantzeko ariketak ere.

Hiru eguneko tailerra egin ohi dute: itzal titereak, gorputzarekin itzalak eta hondarrarekin proiekzioa lantzen dituzte. Gorbeak azaldu duenez, garrantzi berezia ematen diote haurren irudimena “era askean” lantzeari, ume bakoitzak nahi duen pertsonaiak eta istorioak sor ditzan.

Etiketak: